Бразилия терма жамоасининг бош мураббийи Карло Анчелотти 2026 йилги жаҳон чемпионатида Неймар жамоада ҳал қилувчи роль ўйнашини маълум қилди.
"Мен ҳақиқатан ҳам у билан суҳбатлашдим. Неймар терма жамоамиз ва жаҳон чемпионати учун муҳим ўйинчи. Унинг тайёргарлик кўриши учун вақти бор ва биз уни Бразилиянинг асосий футболчисига айлантиришнинг йўлларини биламиз.
Ўнинчи рақамга келсак, бу Бразилия учун аҳамиятли рақам ва у бошқа футболчига берилиши мумкин, чунки жамоамизда уни тақиш ҳуқуқига лойиқ кўплаб ўйинчилар мавжуд," - дея Анчелоттининг сўзларини Ge Globo келтиради.
Қайтганидан сўнг ҳужумчи "Сантос" сафида 14 та ўйинда иштирок этиб, 3 та гол урди ва 3 та голли узатмани амалга оширди.
