Argentinaning "Nyuells Old Boyz" klubi o‘z tarixidagi eng buyuk tarbiyalanuvchilaridan biriga hurmat ko‘rsatdi.
Klub stadioni tribunalaridan birida Lionel Messining ismi va uning mashhur 10-raqami paydo bo‘ldi. Klub ijtimoiy tarmoqlarda yangilangan maydonning suratlarini "Bizning uyimiz. Futbol tarixining uyi" degan izoh bilan e’lon qildi.
Garchi Messi "Nyuells Old Boyz"ning asosiy jamoasida bironta o‘yin o‘tkazmagan bo‘lsa-da, uning afsonaviy faoliyati aynan shu klub akademiyasida boshlangan edi. Lionel Messi 13 yoshida Argentinani tark etib, "Barselona" akademiyasiga o‘tdi va u yerda davr ramziga aylandi.













