Himoyachi Jarell Kuansa "Liverpul"dan "Bayer"ga o‘tishga yaqin turibdi. Nufuzli insayder Fabrisio Romanoning ijtimoiy tarmoqlarda yozishicha, dushanba kuni 22 yoshli futbolchini tibbiy ko‘rikdan o‘tkazish rejalashtirilgan.
Romanoning ta’kidlashicha, "Liverpul" Kuansa uchun 30 million funt (35 million yevro) oladi. Yana 5 million funt bonus sifatida berilishi ko‘zda tutilgan.
"Liverpul" Kuansani 60 million funt yoki hatto 70 million funtga (bonuslarni hisobga olgan holda) qaytarib olish huquqiga ega bo‘ladi. Ya’ni mersisaydliklar bir necha yildan keyin futbolchini qaytarish uchun ikki barobar ko‘p pul to‘lashi kerak bo‘ladi.













