Ҳимоячи Жарелл Куанса "Ливерпуль"дан "Байер"га ўтишга яқин турибди. Нуфузли инсайдер Фабрицио Романонинг ижтимоий тармоқларда ёзишича, душанба куни 22 ёшли футболчини тиббий кўрикдан ўтказиш режалаштирилган.
Романонинг таъкидлашича, "Ливерпуль" Куанса учун 30 миллион фунт (35 миллион евро) олади. Яна 5 миллион фунт бонус сифатида берилиши кўзда тутилган.
"Ливерпуль" Куансани 60 миллион фунт ёки ҳатто 70 миллион фунтга (бонусларни ҳисобга олган ҳолда) қайтариб олиш ҳуқуқига эга бўлади. Яъни мерсисайдликлар бир неча йилдан кейин футболчини қайтариш учун икки баробар кўп пул тўлаши керак бўлади.
