"Sanderlend" "Roma" himoyachisi Anxelinyo transferiga qiziqish bildirayotgan klublar qatoriga qo‘shildi, deya xabar bermoqda Sport Italia.
Manbaga ko‘ra, "qora mushuklar" "Roma"ning sobiq sport direktori Floran Gizolfini klub boshqaruviga tayinlashga yaqin turibdi. Fransuz 28 yoshli ispaniyalikni jamoaga taklif qilishi kutilmoqda. Transfer summasi 20 million yevro atrofida bo‘lishi mumkin.
2024/25 yilgi mavsumda Anxelinyo "Roma" safida barcha musobaqalarda 51 ta o‘yinda maydonga tushib, 4 ta gol urdi va 5 ta golli uzatmani amalga oshirdi. Uning shartnomasi 2028 yilning 30 iyuniga qadar amal qiladi.
Transfermarkt portali futbolchining narxini 20 million yevroga baholamoqda.













