"Сандерленд" "Рома" ҳимоячиси Анхелиньо трансферига қизиқиш билдираётган клублар қаторига қўшилди, дея хабар бермоқда Sport Italia.
Манбага кўра, "қора мушуклар" "Рома"нинг собиқ спорт директори Флоран Гизольфини клуб бошқарувига тайинлашга яқин турибди. Француз 28 ёшли испанияликни жамоага таклиф қилиши кутилмоқда. Трансфер суммаси 20 миллион евро атрофида бўлиши мумкин.
2024/25 йилги мавсумда Анхелиньо "Рома" сафида барча мусобақаларда 51 та ўйинда майдонга тушиб, 4 та гол урди ва 5 та голли узатмани амалга оширди. Унинг шартномаси 2028 йилнинг 30 июнига қадар амал қилади.
Transfermarkt портали футболчининг нархини 20 миллион еврога баҳоламоқда.
