Lissabonning "Benfika" klubi vingeri, argentinalik Anxel Di Mariya jamoa klublar o‘rtasidagi jahon chempionatidan chiqib ketganidan so‘ng yig‘lab yubordi.
Futbolchi Londonning "Chelsi" klubi bilan kechgan turnirning 1/8 finalidagi final hushtagidan so‘ng ko‘z yoshlarini tiya olmadi.
Uchrashuv davomida "Benfika" 0:1 hisobida mag‘lub bo‘layotgandi, ammo Di Mariyaning goli o‘yinni qo‘shimcha vaqtga ko‘chirdi.
U yerda bir kishi kam bo‘lib o‘ynagan portugallar uch marta gol o‘tkazib yuborishdi va 1:4 hisobida mag‘lub bo‘lishdi. Bu o‘yin Di Mariya uchun "Benfika" safidagi so‘nggisi bo‘ldi.















