“Roma” hujumchisi Temmi Abraxam Sankt-Peterburgning “Zenit” klubiga o‘tish taklifini rad etdi. Bu haqda jurnalist Nikolo Skira xabar berdi.
Oldinroq italiyalik nufuzli jurnalist Janluka Di Marsio "ko‘k-oqlar" 27 yoshli futbolchi uchun Rim klubiga 20 million yevro taklif qilgani haqidagi ma’lumot bilan bo‘lishdi. Ta’kidlanishicha, Abraxamning o‘ziga mavsumiga 5 million yevro maosh bilan uch yillik shartnoma taklif qilishgan.
O‘tgan mavsumda forvard "Milan"da ijara asosida o‘ynagandi. Bu davrda u barcha turnirlarda 45 ta uchrashuvda qatnashib, 10 ta gol urdi va 7 ta golli uzatmani amalga oshirdi.
