“Рома” ҳужумчиси Тэмми Абрахам Санкт-Петербургнинг “Зенит” клубига ўтиш таклифини рад этди. Бу ҳақда журналист Николо Скира хабар берди.

Олдинроқ италиялик нуфузли журналист Жанлука Ди Марцио "кўк-оқлар" 27 ёшли футболчи учун Рим клубига 20 миллион евро таклиф қилгани ҳақидаги маълумот билан бўлишди. Таъкидланишича, Абрахамнинг ўзига мавсумига 5 миллион евро маош билан уч йиллик шартнома таклиф қилишган.

Ўтган мавсумда форвард "Милан"да ижара асосида ўйнаганди. Бу даврда у барча турнирларда 45 та учрашувда қатнашиб, 10 та гол урди ва 7 та голли узатмани амалга оширди.