"Manchester Yunayted" yarim himoyachisi Kazemiro kelajagi borasida bir qarorga keldi.
O‘tgan yilgidek, 33 yoshli futbolchining Saudiya Arabistoniga ko‘chib o‘tishi bilan bog‘liq ishlar qizg‘in davom etmoqda, biroq bu safar ham transfer amalga oshmaydiganga o‘xshaydi. Jurnalist Saymon Mallokning ma’lum qilishicha, xavbek bo‘lajak mavsumni "Manchester Yunayted"da o‘tkazmoqchi. Futbolchi Premyer-ligada qolsa, 2026 yilgi jahon chempionatida o‘ynay olishiga ishonmoqda.
Kazemironing "qizil iblislar" bilan shartnomasi kelasi yili o‘z nihoyasiga yetadi, ammo shartnomani yana bir yilga uzaytirish imkoniyati bor. Braziliyalik futbolchining Transfermarkt saytidagi narxi - 10 mln yevro.
