"Манчестер Юнайтед" ярим ҳимоячиси Каземиро келажаги борасида бир қарорга келди.

Ўтган йилгидек, 33 ёшли футболчининг Саудия Арабистонига кўчиб ўтиши билан боғлиқ ишлар қизғин давом этмоқда, бироқ бу сафар ҳам трансфер амалга ошмайдиганга ўхшайди. Журналист Саймон Маллокнинг маълум қилишича, хавбек бўлажак мавсумни "Манчестер Юнайтед"да ўтказмоқчи. Футболчи Премьер-лигада қолса, 2026 йилги жаҳон чемпионатида ўйнай олишига ишонмоқда.

Каземиронинг "қизил иблислар" билан шартномаси келаси йили ўз ниҳоясига етади, аммо шартномани яна бир йилга узайтириш имконияти бор. Бразилиялик футболчининг Transfermarkt сайтидаги нархи - 10 млн евро.