O‘zbek futbolining bugungi kundagi yorqin yulduzi, O‘zbekiston milliy terma jamoasi va "Roma" hulumchisi Eldor Shomurodov bugun roppa rosa 30 yoshni to‘ldirdi.
Eldor Azamat o‘gli Shomurodov 1995 yilning 29 iyun sanasida Surxondaryo viloyati, Jarqo‘rg‘on tumanida tavallud topdi. Futbolchilik faoliyatini "Mash’al"da boshlagan Shomurodov, keyinchalik "Bunyodkor", "Rostov", "Jenoa", "Spesiya", "Kalyari", "Roma" jamoalarida o‘ynadi.
Eldor Shomurodov O‘zbekiston milliy terma jamoasini sardor sifatida Jahon chempionatining final raundiga olib chiqqanligi bilan tarix yaratdi. Milliy terma jamoada 82 uchrashuvda maydonga tushib, raqiblar darvozasiga 42 ta gol urgan va terma jamoamiz rekordchisi sanaladi. Shomurodov Olimpiada o‘yinlari final raundida O‘zbekistonning birinchi goli muallifidir.
www.Stadion.uz sayti Eldor Shomurodovni tavallud ayyomi bilan samimiy muborakbod etadi va unga kelgusi faoliyatida ulkan zafarlar tilaydi. Jahon chempionati yashil maydonlarida "El kapitano" va O‘zbekiston milliy terma jamoasidan yorqin o‘yinlar kutib qolamiz!
