Ўзбек футболининг бугунги кундаги ёрқин юлдузи, Ўзбекистон миллий терма жамоаси ва "Рома" ҳулумчиси Элдор Шомуродов бугун роппа роса 30 ёшни тўлдирди.
Элдор Азамат ўгли Шомуродов 1995 йилнинг 29 июнь санасида Сурхондарё вилояти, Жарқўрғон туманида таваллуд топди. Футболчилик фаолиятини "Машъал"да бошлаган Шомуродов, кейинчалик "Бунёдкор", "Ростов", "Женоа", "Специя", "Кальяри", "Рома" жамоаларида ўйнади.
Элдор Шомуродов Ўзбекистон миллий терма жамоасини сардор сифатида Жаҳон чемпионатининг финал раундига олиб чиққанлиги билан тарих яратди. Миллий терма жамоада 82 учрашувда майдонга тушиб, рақиблар дарвозасига 42 та гол урган ва терма жамоамиз рекордчиси саналади. Шомуродов Олимпиада ўйинлари финал раундида Ўзбекистоннинг биринчи голи муаллифидир.
www.Stadion.uz сайти Элдор Шомуродовни таваллуд айёми билан самимий муборакбод этади ва унга келгуси фаолиятида улкан зафарлар тилайди. Жаҳон чемпионати яшил майдонларида "Эл капитано" ва Ўзбекистон миллий терма жамоасидан ёрқин ўйинлар кутиб қоламиз!
