Qatar 2029 yilgi klublar o‘rtasidagi jahon chempionatiga mezbonlik qilmoqchi. Bu haqda The Guardian xabar bermoqda.

Ushbu mamlakat vakillari AQSHda bo‘lib o‘tayotgan joriy turnir davomida FIFAning yuqori rahbariyati bilan bu masalani muhokama qilib bo‘lishgan. Qatar uglerod chiqindilari nol bo‘lgan musobaqani o‘tkazishi mumkinligini aytdi, bu 2025 yilgi Jahon chempionatidan qulay farq qiladi, chunki jamoalar mamlakat bo‘ylab sayohat qilish uchun havo yo‘llaridan foydalanishlari kerak.

2022 yilgi jahon chempionatining to‘qqizta stadioni hamon ishlamoqda, ulardan oltitasi mahalliy chempionat uchun ishlatiladi. Shaharlar orasidagi sayohat narxi ham muxlislar uchun AQSHdagidan arzonroq bo‘ladi.

Mamlakatning iqlimi qiyin; turnir qishda o‘tkazilishi kerak bo‘ladi, bu esa klub mavsumining odatiy ritmda o‘tishiga to‘sqinlik qilishi mumkin. Shu sababdan Yevropaning bir qator ligalari Qatarning taklifiga qarshi.

Yevropa ligasi va Xalqaro professional futbolchilar assosiasiyalari federasiyasi (FIFPro) jahon chempionatini o‘tkazish bo‘yicha maslahatlashuvlar o‘tkazilmagani, Qatardagi musobaqaning tashkil etilishi muammoni yanada kuchaytirganligi sababli FIFAga qarshi da’vo arizasi bilan chiqdi. Xuddi shunday, Saudiya Arabistoni mezbonlik qiladigan 2034 yilgi jahon chempionati ham qishda o‘tkazilishi kutilmoqda. Biroq jahon chempionatida qatnashish uchun qulay moliyaviy shart-sharoitlar bir qator klublarni norozilikdan qaytarishi mumkin.

Keyingi jahon chempionatini o‘tkazish uchun boshqa da’vogarlar qatorida Ispaniya va Marokash (qo‘shma taklif), shuningdek, Braziliya ham bor.