"Sanderlend" "Atletiko" himoyachisi Reynilduni o‘z safiga qo‘shib olishga yaqin turibdi. Bu haqda insayder Fabrisio Romano ijtimoiy tarmog‘ida xabar berdi.

Manba bergan xabarga ko‘ra, futbolchi inglizlar jamoasiga erkin agent sifatida qo‘shiladi va ikki yillik shartnoma imzolaydi. "Qora mushuklar" bu futbolchini yosh futbolchilar bilan tarkibni muvozanatlashtira oladigan tajribali futbolchi sifatida ko‘rishadi.

Reynildu o‘tgan klub mavsumida 30 ta o‘yinda ishtirok etgan.

O‘tgan mavsum yakuniga ko‘ra, "Sanderlend" 76 ochko jamg‘arib, Chempionship turnir jadvalida to‘rtinchi o‘rinni egalladi. Pley-off o‘yinlari natijalariga ko‘ra, jamoa Premyer-ligaga yo‘llanmani qo‘lga kiritdi.