"Сандерленд" "Атлетико" ҳимоячиси Рейнилдуни ўз сафига қўшиб олишга яқин турибди. Бу ҳақда инсайдер Фабрицио Романо ижтимоий тармоғида хабар берди.

Манба берган хабарга кўра, футболчи инглизлар жамоасига эркин агент сифатида қўшилади ва икки йиллик шартнома имзолайди. "Қора мушуклар" бу футболчини ёш футболчилар билан таркибни мувозанатлаштира оладиган тажрибали футболчи сифатида кўришади.

Рейнилду ўтган клуб мавсумида 30 та ўйинда иштирок этган.

Ўтган мавсум якунига кўра, "Сандерленд" 76 очко жамғариб, Чемпионшип турнир жадвалида тўртинчи ўринни эгаллади. Плей-офф ўйинлари натижаларига кўра, жамоа Премьер-лигага йўлланмани қўлга киритди.