Londonning "Arsenal" klubi futbolchining ketishini e’lon qilishga tayyorgarlik ko‘rmoqda. Yarim himoyachi Tomas Parti klubni tark etadi. Ganalik futbolchining amaldagi shartnomasi 30 iyunga qadar mo‘ljallangan.
The Athletic xabariga ko‘ra, "Arsenal" Parti bilan mehnat shartnomasini uzaytirish borasida kelisha olmagan.
Parti "Arsenal" safida 2020 yil oktyabr oyidan buyon to‘p tepib kelmoqda. O‘shandan beri xavbek 167 ta rasmiy o‘yinda maydonga tushib, to‘qqizta gol va yettita golli uzatmani o‘z hisobiga yozdirib qo‘ydi.













