Лондоннинг "Арсенал" клуби футболчининг кетишини эълон қилишга тайёргарлик кўрмоқда. Ярим ҳимоячи Томас Парти клубни тарк этади. Ганалик футболчининг амалдаги шартномаси 30 июнга қадар мўлжалланган.
The Athletic хабарига кўра, "Арсенал" Парти билан меҳнат шартномасини узайтириш борасида келиша олмаган.
Парти "Арсенал" сафида 2020 йил октябрь ойидан буён тўп тепиб келмоқда. Ўшандан бери хавбек 167 та расмий ўйинда майдонга тушиб, тўққизта гол ва еттита голли узатмани ўз ҳисобига ёздириб қўйди.













