"Manchester Yunayted" vingeri Jeydon Sancho "Yuventus"ning qiziqishlar ro‘yxatidan o‘rin olgan.

Angliyalik futbolchi o‘tgan mavsumni "Chelsi"da ijara asosida o‘tkazdi, ammo "ko‘klar" uni sotib olishdan bosh tortdi. "Manchester Yunayted"da ham 25 yoshli futbolchiga umid yo‘q, shu bois u tez orada jamoasini o‘zgartirishi kutilmoqda. Unga "Yuventus" qiziqish bildirmoqda, biroq Sanchoning Turinga ko‘chib o‘tishi ma’lum sharoitlardagina amalga oshishi mumkin: jurnalist Jovanni Albanezening so‘zlariga ko‘ra, avvaliga "keksa sinyora" "Portu"dan Fransishku Konseysauni sotib olishga urinib ko‘radi, muzokaralar muvaffaqiyatsiz yakunlangan taqdirda esa Jeydon nomzodiga o‘tadi.

Sanchoning Transfermarkt bahosiga ko‘ra, narxi 28 mln yevroga teng.