"Манчестер Юнайтед" вингери Жэйдон Санчо "Ювентус"нинг қизиқишлар рўйхатидан ўрин олган.
Англиялик футболчи ўтган мавсумни "Челси"да ижара асосида ўтказди, аммо "кўклар" уни сотиб олишдан бош тортди. "Манчестер Юнайтед"да ҳам 25 ёшли футболчига умид йўқ, шу боис у тез орада жамоасини ўзгартириши кутилмоқда. Унга "Ювентус" қизиқиш билдирмоқда, бироқ Санчонинг Туринга кўчиб ўтиши маълум шароитлардагина амалга ошиши мумкин: журналист Жованни Альбанезенинг сўзларига кўра, аввалига "кекса синьора" "Порту"дан Франсишку Консейсауни сотиб олишга уриниб кўради, музокаралар муваффақиятсиз якунланган тақдирда эса Жэйдон номзодига ўтади.
Санчонинг Transfermarkt баҳосига кўра, нархи 28 млн еврога тенг.
