Fransiyaning "Pari Sen-Jermen" klubi bosh murabbiyi Luis Enrike klublar o‘rtasidagi jahon chempionatining nimchorak finalidan o‘rin olgan g‘alabadan olgan taassurotlari bilan o‘rtoqlashdi.
MLS vakili "Inter Mayami"ga qarshi kechgan uchrashuv 4:0 hisobida yakunlandi. Joau Nevesh dubl qayd etgan bo‘lsa, Ashraf Hakimiy va Tomas Aviles (avtogol) bittadan gol urdi.
"Men baxtliman. O‘yinni qanday boshlaganimiz menga yoqdi. Yaxshi harakat qildik, ko‘p vaziyatlar yaratdik. Ikkinchi bo‘limda gol urish uchun kamroq imkoniyatlarga ega bo‘ldik, ammo men mamnunman. Men barcha futbolchilardan mamnunman, ularda ajoyib kayfiyat bor edi," - deya Enrikening so‘zlarini keltiradi FIFA rasmiy sayti.













