Франциянинг "Пари Сен-Жермен" клуби бош мураббийи Луис Энрике клублар ўртасидаги жаҳон чемпионатининг нимчорак финалидан ўрин олган ғалабадан олган таассуротлари билан ўртоқлашди.
МЛС вакили "Интер Майами"га қарши кечган учрашув 4:0 ҳисобида якунланди. Жоау Невеш дубль қайд этган бўлса, Ашраф Ҳакимий ва Томас Авилес (автогол) биттадан гол урди.
"Мен бахтлиман. Ўйинни қандай бошлаганимиз менга ёқди. Яхши ҳаракат қилдик, кўп вазиятлар яратдик. Иккинчи бўлимда гол уриш учун камроқ имкониятларга эга бўлдик, аммо мен мамнунман. Мен барча футболчилардан мамнунман, уларда ажойиб кайфият бор эди," - дея Энрикенинг сўзларини келтиради ФИФА расмий сайти.
