"Shtutgart" Nik Voltemade uchun 100 million yevro talab qilmayapti.

Avvalroq Kicker agar futbolchi uchun 100 mln yevro taklif qilinsa, klub uning transferini muhokama qilishga tayyorligi haqida xabar bergandi. 23 yoshli forvardga "Bavariya" qiziqish bildirmoqda va u Myunxen klubiga o‘tish istagini bildirgan.

Jurnalist Florian Plettenbergning ma’lum qilishicha, bu summa ko‘rsatilgan xabarlar haqiqatdan yiroq. "Shtutgart" ham bu talabni tasdiqlamayapti.

Ta’kidlanishicha, "Shtutgart" va "Bavariya" o‘rtasida direktorlar Fabian Volgemut va Maks Eberl tufayli juda yaxshi munosabatlar mavjud.

"Umid qilamanki, biz muzokaralarni oqilona, neytral va xolisona boshlay olamiz.

"Shtutgart" bizni aldamoqchi ekanligiga ishonmayman. Munosabatlarimiz juda yaxshi," - deya Eberlning so‘zlarini keltiradi Plettenberg.