"Штутгарт" Ник Вольтемаде учун 100 миллион евро талаб қилмаяпти.

Аввалроқ Kicker агар футболчи учун 100 млн евро таклиф қилинса, клуб унинг трансферини муҳокама қилишга тайёрлиги ҳақида хабар берганди. 23 ёшли форвардга "Бавария" қизиқиш билдирмоқда ва у Мюнхен клубига ўтиш истагини билдирган.

Журналист Флориан Плеттенбергнинг маълум қилишича, бу сумма кўрсатилган хабарлар ҳақиқатдан йироқ. "Штутгарт" ҳам бу талабни тасдиқламаяпти.

Таъкидланишича, "Штутгарт" ва "Бавария" ўртасида директорлар Фабиан Вольгемут ва Макс Эберль туфайли жуда яхши муносабатлар мавжуд.

"Умид қиламанки, биз музокараларни оқилона, нейтрал ва холисона бошлай оламиз.

"Штутгарт" бизни алдамоқчи эканлигига ишонмайман. Муносабатларимиз жуда яхши," - дея Эберлнинг сўзларини келтиради Плеттенберг.