"Real" bosh murabbiyi Xabi Alonso Kilian Mbappe va Vinisius Junior haqidagi yana bir savolga javob berdi.

Fransuz va braziliyalik futbolchi Karlo Anchelotti qo‘l ostida to‘psiz o‘yin ko‘rsata olmadi, deb hisoblanmoqda, bu esa jamoaning himoyadagi muammolariga sabab bo‘lgandi. Jurnalistlar “qaymoqranglilar”ning yangi murabbiyidan bu masalani qanday hal qilmoqchi ekanligini muntazam so‘rashadi.

"Mbappe va Vinisius? Biz barcha o‘yinchilar birgalikda harakat qilishlari kerak degan jamoaviy g‘oyaga amal qilmoqchimiz. Biz to‘psiz nima qilishimiz kerakligini va futbolchilarimizning individual fazilatlaridan qanday foydalanishni bilamiz. Hujumchilar o‘zgarishlarni amalga oshirishlari kerak", - dedi Alonso matbuot anjumanida.

1 iyul kuni "Real" klublar o‘rtasidagi jahon chempionati 1/8 finalida "Yuventus" bilan o‘ynaydi.