"Реал" бош мураббийи Хаби Алонсо Килиан Мбаппе ва Винисиус Жуниор ҳақидаги яна бир саволга жавоб берди.
Француз ва бразилиялик футболчи Карло Анчелотти қўл остида тўпсиз ўйин кўрсата олмади, деб ҳисобланмоқда, бу эса жамоанинг ҳимоядаги муаммоларига сабаб бўлганди. Журналистлар “қаймоқранглилар”нинг янги мураббийидан бу масалани қандай ҳал қилмоқчи эканлигини мунтазам сўрашади.
"Мбаппе ва Винисиус? Биз барча ўйинчилар биргаликда ҳаракат қилишлари керак деган жамоавий ғояга амал қилмоқчимиз. Биз тўпсиз нима қилишимиз кераклигини ва футболчиларимизнинг индивидуал фазилатларидан қандай фойдаланишни биламиз. Ҳужумчилар ўзгаришларни амалга оширишлари керак", - деди Алонсо матбуот анжуманида.
1 июль куни "Реал" клублар ўртасидаги жаҳон чемпионати 1/8 финалида "Ювентус" билан ўйнайди.
