Madridning "Real" klubi vingeri Rodrigo hamon Londonning "Arsenal" klubining ustuvor transfer maqsadi hisoblanadi.

Bahordan beri "kanonirlar" "qaymoqranglilar"ning asosiy tarkibida doimiy o‘ringa ega bo‘lmagan 24 yoshli futbolchiga qiziqish bildirmoqda. Seshanba kuni Xabi Alonso klublar o‘rtasidagi jahon chempionati 1/8 finalidan o‘rin olgan "Yuventus"ga qarshi o‘yinda ham braziliyalik futbolchini zaxirada qoldirdi.

Jurnalist Ben Jeykobsning yozishicha, "Arsenal" Rodrigoni hujum qanotini kuchaytirish uchun ideal variant deb hisoblamoqda. Futbolchi yozda "Real"ni tark etishga tayyormi yoki yo‘qmi, hozircha noma’lum, ammo u KO‘JCH yakunlangach, Xabi Alonso bilan suhbatlashib, jamoadagi istiqbollariga oydinlik kiritadi. "Qirollik klubi" yulduzni 90 mln yevroga baholamoqda.