Мадриднинг "Реал" клуби вингери Родриго ҳамон Лондоннинг "Арсенал" клубининг устувор трансфер мақсади ҳисобланади.
Баҳордан бери "канонирлар" "қаймоқранглилар"нинг асосий таркибида доимий ўринга эга бўлмаган 24 ёшли футболчига қизиқиш билдирмоқда. Сешанба куни Хаби Алонсо клублар ўртасидаги жаҳон чемпионати 1/8 финалидан ўрин олган "Ювентус"га қарши ўйинда ҳам бразилиялик футболчини захирада қолдирди.
Журналист Бен Жейкобснинг ёзишича, "Арсенал" Родригони ҳужум қанотини кучайтириш учун идеал вариант деб ҳисобламоқда. Футболчи ёзда "Реал"ни тарк этишга тайёрми ёки йўқми, ҳозирча номаълум, аммо у КЎЖЧ якунлангач, Хаби Алонсо билан суҳбатлашиб, жамоадаги истиқболларига ойдинлик киритади. "Қироллик клуби" юлдузни 90 млн еврога баҳоламоқда.
