Belgiya chempionatida "Yunion" safida to‘p tepayotgan 20 yoshli yarim himoyachi Noa Sadiki klubini o‘zgartirishi mumkin. Bu haqda The Athletic jurnalistlari xabar bermoqda.

Manbaga ko‘ra, afrikalik yarim himoyachini "Sanderlend" o‘z safiga qo‘shib olmoqchi. Potensial bitim summasi 20,5 million yevroga baholanmoqda. Futbolchining Belgiya jamoasi bilan mehnat shartnomasi 2027 yil yozigacha mo‘ljallangan.

O‘tgan mavsumda yarim himoyachi 55 ta o‘yinda qatnashib, 2 ta gol va 6 ta golli uzatmani o‘z hisobiga yozdirib qo‘ydi. Transfermarkt portali futbolchining narxini 12 million yevroga baholamoqda.