Kataloniyaning "Barselona" klubiga tegishli bo‘lgan germaniyalik darvozabon Mark-Andre ter Shtegen Angliya Premyer-ligasiga ko‘chib o‘tish imkoniyatiga ega. Bu haqda Fichajes xabar bermoqda.
Manbaga ko‘ra, 33 yoshli posbonning transferiga "Manchester Siti" qiziqish bildirmoqda. "Shaharliklar" ustozi Xosep Gvardiola ter Shtegen kelajakda klubini o‘zgartirishi mumkin bo‘lgan braziliyalik Edersonga yaxshi o‘rinbosar bo‘lishiga ishonmoqda.
Ter Shtegen o‘tgan mavsum tizzasidan olgan jarohati sabab atigi 11 ta o‘yinda maydonga tushgan. Futbolchining "ko‘k-anorranglilar" bilan amaldagi shartnomasi 2028 yilning yozida o‘z nihoyasiga yetadi. Uning bozor qiymati 12 million yevroga baholanmoqda.
