Каталониянинг "Барселона" клубига тегишли бўлган германиялик дарвозабон Марк-Андре тер Штеген Англия Премьер-лигасига кўчиб ўтиш имкониятига эга. Бу ҳақда Fichajes хабар бермоқда.
Манбага кўра, 33 ёшли посбоннинг трансферига "Манчестер Сити" қизиқиш билдирмоқда. "Шаҳарликлар" устози Хосеп Гвардиола тер Штеген келажакда клубини ўзгартириши мумкин бўлган бразилиялик Эдерсонга яхши ўринбосар бўлишига ишонмоқда.
Тер Штеген ўтган мавсум тиззасидан олган жароҳати сабаб атиги 11 та ўйинда майдонга тушган. Футболчининг "кўк-анорранглилар" билан амалдаги шартномаси 2028 йилнинг ёзида ўз ниҳоясига етади. Унинг бозор қиймати 12 миллион еврога баҳоланмоқда.
