Portugaliya futbol federasiyasi “Liverpul” hujumchisi Diogu Jotaning vafoti haqidagi xabardan so‘ng qayg‘uli bayonot bilan chiqdi. Futbolchi avtohalokatda vafot etdi. Jota terma jamoa safida 49 ta o‘yin o‘tkazib, 14 ta gol urgan va 12 ta golli uzatmani amalga oshirgan edi.
“Portugaliya futbol federasiyasi va butun Portugaliya futbol jamoatchiligi bugun ertalab Ispaniyada Diogu Jota va uning ukasi Andre Silvaning o‘limidan butunlay vayron bo‘ldi.
Diogu Jota nafaqat terma jamoada 50 ga yaqin o‘yin o‘tkazgan fantastik futbolchi, balki u barcha jamoadoshlari va raqiblari tomonidan hurmat qilinadigan, jamoada yuqumli tabassum va avtoritetga ega bo‘lgan favqulodda shaxs edi.
Diogu va uning ukasi Andrening oilasi va yaqinlariga chuqur hamdardlik bildiramiz. Portugaliya futbol federasiyasi allaqachon UEFAdan termamizning ayollar o‘rtasidagi Yevropa chempionatida Ispaniyaga qarshi o‘yini oldidan futbolchi xotirasini bir daqiqa sukut saqlashni so‘ragan.
Ikkita chempionni boy berdik. Diogu va Andre Silvaning o‘limi Portugaliya futboli uchun tuzatib bo‘lmaydigan yo‘qotish bo‘ldi va biz har kuni ularning merosini hurmat qilish uchun qo‘limizdan kelganini qilamiz”, — deyiladi xabarda.
