Португалия футбол федерацияси “Ливерпуль” ҳужумчиси Диогу Жотанинг вафоти ҳақидаги хабардан сўнг қайғули баёнот билан чиқди. Футболчи автоҳалокатда вафот этди. Жота терма жамоа сафида 49 та ўйин ўтказиб, 14 та гол урган ва 12 та голли узатмани амалга оширган эди.

“Португалия футбол федерацияси ва бутун Португалия футбол жамоатчилиги бугун эрталаб Испанияда Диогу Жота ва унинг укаси Андре Силванинг ўлимидан бутунлай вайрон бўлди.

Диогу Жота нафақат терма жамоада 50 га яқин ўйин ўтказган фантастик футболчи, балки у барча жамоадошлари ва рақиблари томонидан ҳурмат қилинадиган, жамоада юқумли табассум ва авторитетга эга бўлган фавқулодда шахс эди.

Диогу ва унинг укаси Андренинг оиласи ва яқинларига чуқур ҳамдардлик билдирамиз. Португалия футбол федерацияси аллақачон УEФАдан термамизнинг аёллар ўртасидаги Европа чемпионатида Испанияга қарши ўйини олдидан футболчи хотирасини бир дақиқа сукут сақлашни сўраган.

Иккита чемпионни бой бердик. Диогу ва Андре Силванинг ўлими Португалия футболи учун тузатиб бўлмайдиган йўқотиш бўлди ва биз ҳар куни уларнинг меросини ҳурмат қилиш учун қўлимиздан келганини қиламиз”, — дейилади хабарда.