"Nyukasl" "Nottingem Forest" klubi vingeri Entoni Elangani o‘z safiga qo‘shib olish harakatlarini to‘xtatmayapti. Bu haqda insayder Fabrisio Romano o‘z ijtimoiy tarmoqlarida ma’lum qildi.
Manbaga ko‘ra, 52 million yevro miqdoridagi birinchi taklif ortidan 63 million yevro miqdoridagi yangi o‘tish taklifi kelib tushgan va bu tomonlar o‘rtasidagi muzokaralarni qayta boshlash imkonini bergan. Elanga 2023 yilda "Manchester Yunayted"dan "Nottingem"ga o‘tgandi.
O‘tgan mavsumda turli pozisiyalarda, jumladan, yarim himoyada harakat qilayotgan 23 yoshli shvesiyalik futbolchi barcha turnirlarda 43 ta o‘yinda 6 ta gol urdi va 12 ta golli uzatmani amalga oshirdi.
