"Ньюкасл" "Ноттингем Форест" клуби вингери Энтони Элангани ўз сафига қўшиб олиш ҳаракатларини тўхтатмаяпти. Бу ҳақда инсайдер Фабрицио Романо ўз ижтимоий тармоқларида маълум қилди.
Манбага кўра, 52 миллион евро миқдоридаги биринчи таклиф ортидан 63 миллион евро миқдоридаги янги ўтиш таклифи келиб тушган ва бу томонлар ўртасидаги музокараларни қайта бошлаш имконини берган. Эланга 2023 йилда "Манчестер Юнайтед"дан "Ноттингем"га ўтганди.
Ўтган мавсумда турли позицияларда, жумладан, ярим ҳимояда ҳаракат қилаётган 23 ёшли швециялик футболчи барча турнирларда 43 та ўйинда 6 та гол урди ва 12 та голли узатмани амалга оширди.
