"Monako"ning yangi a’zosi Ansu Fati Fransiya chempionatida "PSJ" bilan to‘qnash kelishi haqida gapirdi.
Futbolchining so‘zlariga ko‘ra, Parij klubida u hurmat qiladigan va minnatdor bo‘lgan odamlar bor - xususan, jamoa ustozi Luis Enrike.
"Biz ularning hayotini imkon qadar murakkablashtirish uchun shu yerdamiz, bu bizning maqsadimiz. "Barsa"da birga ajoyib damlarni boshdan kechirgan Usmon Dembele bilan ham tanishman. Ularga bizga qarshi o‘yinlardan tashqari barcha yaxshiliklarni tilayman," - deya futbolchining so‘zlarini keltiradi monegasklar matbuot xizmati.
Eslatib o‘tamiz, Fati "Monako"ga "Barselona"dan ijara asosida o‘tgan edi.













