"Монако"нинг янги аъзоси Ансу Фати Франция чемпионатида "ПСЖ" билан тўқнаш келиши ҳақида гапирди.
Футболчининг сўзларига кўра, Париж клубида у ҳурмат қиладиган ва миннатдор бўлган одамлар бор - хусусан, жамоа устози Луис Энрике.
"Биз уларнинг ҳаётини имкон қадар мураккаблаштириш учун шу ердамиз, бу бизнинг мақсадимиз. "Барса"да бирга ажойиб дамларни бошдан кечирган Усмон Дембеле билан ҳам танишман. Уларга бизга қарши ўйинлардан ташқари барча яхшиликларни тилайман," - дея футболчининг сўзларини келтиради монегасклар матбуот хизмати.
Эслатиб ўтамиз, Фати "Монако"га "Барселона"дан ижара асосида ўтган эди.
