"Atalanta" "Udineze" hujumchisi Lorenso Lukkani o‘z safiga qo‘shib olmoqchi, deb xabar beradi Football Italia.
Manbaga ko‘ra, "Atalanta" 24 yoshli italiyalik futbolchining transferi uchun mablag‘ni hujumchi Mateo Retegi sotilganidan keyin olishi mumkin. Uning uchun Bergamo klubi 60 million yevro so‘ragan. Retegiga Saudiya Arabistoni klublari qiziqish bildirgan.
Iyun oyi oxirida Lukkaga "Napoli"dan qiziqish borligi ma’lum bo‘lgandi.
2024/25 yilgi mavsumda Lukka "Udineze" safida 36 ta o‘yinda maydonga tushib, 14 ta gol urdi va 3 ta golli uzatmani amalga oshirdi. Uning shartnomasi 2028 yilning 30 iyuniga qadar amal qiladi.













