"Аталанта" "Удинезе" ҳужумчиси Лоренцо Луккани ўз сафига қўшиб олмоқчи, деб хабар беради Football Italia.
Манбага кўра, "Аталанта" 24 ёшли италиялик футболчининг трансфери учун маблағни ҳужумчи Матео Ретеги сотилганидан кейин олиши мумкин. Унинг учун Бергамо клуби 60 миллион евро сўраган. Ретегига Саудия Арабистони клублари қизиқиш билдирган.
Июнь ойи охирида Луккага "Наполи"дан қизиқиш борлиги маълум бўлганди.
2024/25 йилги мавсумда Лукка "Удинезе" сафида 36 та ўйинда майдонга тушиб, 14 та гол урди ва 3 та голли узатмани амалга оширди. Унинг шартномаси 2028 йилнинг 30 июнига қадар амал қилади.
