"Barsa"ning moliyaviy muammolari Denzel Dumfrisni o‘z safiga qo‘shib olishga yo‘l qo‘ymaydi.

Mundo Deportivo xabariga ko‘ra, "Barsa" "Inter" futbolchisini futbol sifatlari bo‘yicha o‘z darajasiga mos keladi va klubning o‘ng qanot himoyachisi pozisiyasini kuchaytirish rejasiga juda mos keladi, deb hisoblamoqda.

Niderlandiyalik futbolchi uchun asosiy to‘siq hamon La Liganing moliyaviy cheklovlari bo‘lib qolmoqda. Kataloniyaliklar 1:1 qoidasiga qaytish uchun harakat qilmoqda. 29 yoshli Dumfrisning "Inter"dagi tovon puli 25 mln yevroni tashkil etadi.

Klubda Vanderson va Andrey Rasiu variantlari ham ko‘rib chiqilgan. Biroq, "Barsa" skautlarining fikriga ko‘ra, "Monako"ning braziliyalik futbolchisi kerakli profilga mos kelmaydi, "Rayo Valyekano" himoyachisi hujumga o‘tishda xavfli bo‘lsa-da, himoyada ma’lum kamchiliklarga ega.

Shuningdek, "Almeriya"dan 22 yoshli Mark Pubil (22 yosh) ismi ham muhokama qilingan, ammo uning xususiyatlari Ektor Fortga o‘xshash deb topilgan.

Nima bo‘lganda ham, klubning hozirgi ustuvor vazifasi - darvozabon Joan Garsiyani ro‘yxatdan o‘tkazish va chap qanot hujumchisini sotib olish.