"Барса"нинг молиявий муаммолари Дензел Думфрисни ўз сафига қўшиб олишга йўл қўймайди.
Mundo Deportivo хабарига кўра, "Барса" "Интер" футболчисини футбол сифатлари бўйича ўз даражасига мос келади ва клубнинг ўнг қанот ҳимоячиси позициясини кучайтириш режасига жуда мос келади, деб ҳисобламоқда.
Нидерландиялик футболчи учун асосий тўсиқ ҳамон Ла Лиганинг молиявий чекловлари бўлиб қолмоқда. Каталонияликлар 1:1 қоидасига қайтиш учун ҳаракат қилмоқда. 29 ёшли Думфриснинг "Интер"даги товон пули 25 млн еврони ташкил этади.
Клубда Вандерсон ва Андрей Рациу вариантлари ҳам кўриб чиқилган. Бироқ, "Барса" скаутларининг фикрига кўра, "Монако"нинг бразилиялик футболчиси керакли профилга мос келмайди, "Райо Вальекано" ҳимоячиси ҳужумга ўтишда хавфли бўлса-да, ҳимояда маълум камчиликларга эга.
Шунингдек, "Альмерия"дан 22 ёшли Марк Пубиль (22 ёш) исми ҳам муҳокама қилинган, аммо унинг хусусиятлари Эктор Фортга ўхшаш деб топилган.
Нима бўлганда ҳам, клубнинг ҳозирги устувор вазифаси - дарвозабон Жоан Гарсияни рўйхатдан ўтказиш ва чап қанот ҳужумчисини сотиб олиш.
