Hujumkor yarim himoyachi Filippe Koutinyo "Aston Villa"ni butunlay tark etdi. Birmingem klubi o‘zining rasmiy saytida 33 yoshli braziliyalik futbolchi "Vasko da Gama"ga o‘tishi haqida yozdi. O‘tgan yilning yozidan buyon ushbu jamoada Koutinyo ijara asosida to‘p tepib kelayotgandi, endi esa tomonlar to‘laqonli transferga kelishib olishdi. Bitim summasi oshkor etilmagan.
"Aston Villa" Filippe Koutinyoga o‘yinlari uchun minnatdorchilik bildirdi va kelajakda eng yaxshi tilaklarni tiladi. Birmingem jamoasi safida braziliyalik 43 ta rasmiy o‘yin o‘tkazib, o‘z hisobiga oltita gol va sheriklariga uchta golli uzatma yozdirib qo‘ygan.
