Ҳужумкор ярим ҳимоячи Филиппе Коутиньо "Астон Вилла"ни бутунлай тарк этди. Бирмингем клуби ўзининг расмий сайтида 33 ёшли бразилиялик футболчи "Васко да Гама"га ўтиши ҳақида ёзди. Ўтган йилнинг ёзидан буён ушбу жамоада Коутиньо ижара асосида тўп тепиб келаётганди, энди эса томонлар тўлақонли трансферга келишиб олишди. Битим суммаси ошкор этилмаган.
"Астон Вилла" Филиппе Коутиньога ўйинлари учун миннатдорчилик билдирди ва келажакда энг яхши тилакларни тилади. Бирмингем жамоаси сафида бразилиялик 43 та расмий ўйин ўтказиб, ўз ҳисобига олтита гол ва шерикларига учта голли узатма ёздириб қўйган.
