"Yuventus" va "Toronto" klublarining sobiq hujumchisi Federiko Bernardeski tez orada erkin agent sifatida "Bolonya"ga o‘tadi. Bu haqda jurnalist Fabrisio Romano X ijtimoiy tarmog‘ida ma’lum qildi.
Avvalroq futbolchi Kanada jamoasi bilan shartnomani bekor qilishga kelishib olgandi. Qayd etilishicha, futbolchining Italiya jamoasi bilan muzokaralari yuqori bosqichda, mehnat shartnomasi imzolanishi tez orada e’lon qilinadi.
Bernardeski joriy mavsum klub safida 15 ta o‘yinda maydonga tushib, 4 ta gol urdi va 3 ta golli uzatmani amalga oshirdi. Transfermarkt sayti ma’lumotlariga ko‘ra, Federikoning bozor narxi 3,5 mln yevroni tashkil etadi.
