"Ювентус" ва "Торонто" клубларининг собиқ ҳужумчиси Федерико Бернардески тез орада эркин агент сифатида "Болонья"га ўтади. Бу ҳақда журналист Фабрицио Романо Х ижтимоий тармоғида маълум қилди.
Аввалроқ футболчи Канада жамоаси билан шартномани бекор қилишга келишиб олганди. Қайд этилишича, футболчининг Италия жамоаси билан музокаралари юқори босқичда, меҳнат шартномаси имзоланиши тез орада эълон қилинади.
Бернардески жорий мавсум клуб сафида 15 та ўйинда майдонга тушиб, 4 та гол урди ва 3 та голли узатмани амалга оширди. Transfermarkt сайти маълумотларига кўра, Федериконинг бозор нархи 3,5 млн еврони ташкил этади.
