Kayl Uoker "Byornli"ga o‘tishga yaqin turibdi.
The Athletic xabariga ko‘ra, "Manchester Siti" himoyachisi Premyer-ligaga chiqqan klubga transferni yakunlashdan oldin tibbiy ko‘rikdan o‘tmoqda.
Agar hammasi ko‘ngildagidek bo‘lsa, 35 yoshli futbolchi ikki yillik shartnoma imzolaydi.
Uoker uchun "Siti" bonuslarni hisobga olgan holda 5 mln funtgacha oladi. Uokerning "shaharliklar" bilan shartnomasi kelasi yili yakunlanadi.
O‘tgan mavsumning ikkinchi yarmini ingliz "Milan"da ijarada o‘tkazdi va u yerda 16 ta o‘yinda maydonga tushdi. Italiyaliklar uni doimiy asosda o‘z safiga qo‘shib olish imkoniyatidan foydalanmadi.
