Кайл Уокер "Бёрнли"га ўтишга яқин турибди.
The Athletic хабарига кўра, "Манчестер Сити" ҳимоячиси Премьер-лигага чиққан клубга трансферни якунлашдан олдин тиббий кўрикдан ўтмоқда.
Агар ҳаммаси кўнгилдагидек бўлса, 35 ёшли футболчи икки йиллик шартнома имзолайди.
Уокер учун "Сити" бонусларни ҳисобга олган ҳолда 5 млн фунтгача олади. Уокернинг "шаҳарликлар" билан шартномаси келаси йили якунланади.
Ўтган мавсумнинг иккинчи ярмини инглиз "Милан"да ижарада ўтказди ва у ерда 16 та ўйинда майдонга тушди. Италияликлар уни доимий асосда ўз сафига қўшиб олиш имкониятидан фойдаланмади.
