Koul Palmer klublar o‘rtasidagi jahon chempionatida “Chelsi”ning “Palmeyras” ustidan qozonilgan g‘alabasi (2:1) haqida gapirdi.
Londonliklar AQSHda bo‘lib o‘tayotgan futbol bo‘yicha klublar o‘rtasidagi jahon chempionatining chorak finalida Braziliya klubini mag‘lub etishdi.
Palmer 16-daqiqada himoyachi Trevo Chalobaning diagonal uzatmasini qabul qilib, hisobni ochdi. "Chelsi" yarim himoyachisi o‘girilib, jarima maydonchasiga kirdi va chap oyog‘i bilan pastki burchakka zarba berdi.
Goli haqida:
"Biz mashg‘ulotlarda shunday daqiqalar ustida ishlaymiz. Men bo‘sh joyni ko‘rdim, u yerga bordim va gol urdim."
Enso Mareska tanaffusda nima degani haqida:
"U shunday dedi:" Xotirjam bo‘l, o‘tishda davom et va hammasi yaxshi bo‘lishi kerak."
Braziliya klubining yagona goliga mualliflik qilgan Estevao haqida:
"U top futbolchi ekanligi aniq. U bizga qo‘shilganidan xursandmiz", - deydi Palmer.
2024 yilda London klubi hujumchi Estevaoni "Palmeyras"dan 34 million yevro va 27 million bonus evaziga sotib oldi.
Turnir oldidan klublar 18 yoshli braziliyalik futbolchining o‘z jamoasida o‘ynashiga kelishib olishdi, garchi uning “Chelsi” bilan shartnomasi 1 iyuldan boshlab amalda bo‘lsa-da.
