Londonning "Arsenal" klubi yarim himoyachi Itan Nvanerining vakillari bilan yangi mehnat shartnomasini imzolash bo‘yicha muzokaralar olib bormoqda. Bu haqda The Athletic nashri xabar berdi.
Manba ma’lumotlariga ko‘ra, futbolchining o‘zi Angliyaning nufuzli klubida qolishga tayyor. 18 yoshli o‘yinchining londonliklar bilan amaldagi shartnomasi kelasi yilning yozida o‘z nihoyasiga yetadi.
O‘tgan mavsumda Nvaneri "Arsenal" safida 37 ta o‘yinda ishtirok etdi. Itan 9 ta gol urib, 2 ta golli uzatma berdi.
2024/2025 yilgi mavsum yakunlariga ko‘ra, Mikel Artetaning shogirdlari Angliya premyer-ligasi turnir jadvalida ikkinchi o‘rinni egalladi.
