Лондоннинг "Арсенал" клуби ярим ҳимоячи Итан Нванерининг вакиллари билан янги меҳнат шартномасини имзолаш бўйича музокаралар олиб бормоқда. Бу ҳақда The Athletic нашри хабар берди.
Манба маълумотларига кўра, футболчининг ўзи Англиянинг нуфузли клубида қолишга тайёр. 18 ёшли ўйинчининг лондонликлар билан амалдаги шартномаси келаси йилнинг ёзида ўз ниҳоясига етади.
Ўтган мавсумда Нванери "Арсенал" сафида 37 та ўйинда иштирок этди. Итан 9 та гол уриб, 2 та голли узатма берди.
2024/2025 йилги мавсум якунларига кўра, Микель Артетанинг шогирдлари Англия премьер-лигаси турнир жадвалида иккинчи ўринни эгаллади.
